اسلام آباد ہائیکورٹ انتظامی کمیٹی وچ تبدیلی، جسٹس انعام امین شامل
جسٹس ارباب محمد طاہر ہن انتظامی کمیٹی دا حصہ نہیں رہے، رجسٹرار آفس ولوں نوٹیفکیشن جاری
اسلام آباد (رضوان قاضی) اسلام آباد ہائیکورٹ دی انتظامی کمیٹی وچ اہم تبدیلی، جسٹس ارباب محمد طاہر ہن انتظامی کمیٹی دا حصہ نہیں رہے، چیف جسٹس سردار سرفراز ڈوگر دی منظوری نال رجسٹرار ہائیکورٹ ولوں جاری کیتے گئے نوٹیفکیشن دے مطابق چیف جسٹس سردار سرفراز ڈوگر انتظامی کمیٹی دے سربراہ ہون گے جدکہ جسٹس ارباب محمد طاہر دی جگہ جسٹس انعام امین منہاس کمیٹی دا حصہ ہون گے۔
جسٹس محمد آصف تے جسٹس محمد اعظم خان پہلے ہی کمیٹی دے ممبر نے۔ ایڈمنسٹریشن کمیٹی کول اسلام آباد ہائیکورٹ دے سارے انتظامی فیصلے کرن دا اختیار ہوندا اے
