خیرپور وچ کھجور دی فصل وائرس دے حملے توں شدید متاثر ہون لگی۔
خیرپور وچ کھجور دی فصل وائرس دے حملے وچ شدید متاثر ہون لگی۔
خیرپور دے علاقیاں رسول آباد، بچل بھنبھرو تے احمد پور وچ کھجور دے باغات اک خطرناک بیماری تے کیڑیاں دے حملے دی زد وچ نیں جیہدے توں باغات نوں شدید نقصان اپڑ رہیا اے۔
باغبان تے کاشتکار ایس صورتحال تے پریشان نیں۔
زرعی ماہر پروفیسر عبدالسمیع بھنبھرو دے مطابق ایہ خطرناک کیڑا کھجور دے رُکھ تے ایس طرحاں حملہ کردا اے کہ ٹہنیاں سُک جاندیاں نیں تے ہولی ہولی پورا رُکھ خشک ہو کے ڈگ پیندا اے۔
اوہناں دا کہنا اے کہ فوراً قدم نہ چکے گئے تے وڈے پدھر تے نقصان ہو سکدا اے۔
ایس حوالے نال ایڈیشنل ڈائریکٹر زراعت اظہر حسین ویسر دا کہنا اے کہ باغات وچ دو وکھ وکھ قسماں دے کیڑیاں دا حملہ ویکھیا گیا اے، محکمہ زراعت فیلڈ وچ موجود اے تے آبادکاراں نوں احتیاطی تدبیراں توں واقف کروا رہیا اے۔
