بلوچستان وچ جاری آپریشن شعبان وچ ہور 7 دہشت گرد ہلاک، مجموعی تعداد 64 ہو گئی۔
بلوچستان وچ مانگی ڈیم پولیس چیک پوسٹ تے حملے توں بعد سکیورٹی فورسز تے پولیس دا فتنہ الخوارج دے خلاف مشترکہ “آپریشن شعبان” جاری اے۔
سکیورٹی ذرائع دے مطابق سکیورٹی فورسز دی خوارج دے خلاف علاقے وچ ہوائی تے زمینی کارروائیاں جاری نیں تے انہاں کارروائیاں دے دوران ہور 7 خوارج نوں جہنم واصل کیتا گیا۔
سکیورٹی ذرائع دا کہنا اے کہ آپریشن شعبان وچ جہنم واصل ہون والیاں دی مجموعی تعداد 64 ہو گئی اے جد کہ آپریشن شعبان تے دوجے انٹیلی جنس بیسڈ آپریشنز وچ 102 خوارج جہنم واصل ہو چکے نیں-
سکیورٹی ذرائع نے دسیا کہ آخری دہشت گرد دے خاتمے تیکر بلوچستان وچ آپریشن شعبان جاری رہے گا۔
دوجے پاسے صدر مملکت، وزیراعظم تے وزیر داخلہ نے دہشت گرداں دے خلاف جاری آپریشن شعبان وچ سکیورٹی فورسز نوں خراجِ تحسین پیش کیتا۔
وفاقی وزیر داخلہ محسن نقوی نے کہیا کہ دہشت گرداں دا جڑ توں خاتمہ ضروری اے، امن دشمناں نوں کتے بھی لکن دی جگہ نہیں ملے گی۔
