شہباز شریف اج قطر دے دورے اُتے روانہ ہون گے

وزیرِ خارجہ اسحاق ڈار سمیت اہم حکومتی شخصیتاں وی وزیرِ اعظم دے نال ہوݨ گیاں، امیرِ قطر نال ملاقات شیڈول، علاقائی حالتاں تے عالمی پیش رفت اُتے گل بات ہووے گی۔

اسلام آباد (مانیٹرنگ ڈیسک) وزیرِ اعظم شہباز شریف اج قطر دے دورے اُتے روانہ ہوݨ گے، جپھے اوہ امیرِ قطر شیخ تمیم بن حمد آل ثانی نال ملاقات کرن گے۔ ذرائع دے مطابق دفترِ خارجہ وزیرِ اعظم دے دورہِ قطر نوں آخری شکل دے رہیا اے۔ دورے دے دوران وزیرِ اعظم شہباز شریف سابق امیرِ قطر دے انتقال اُتے قطری قیادت نال تعزیت دا اظہار کرن گے۔ ملاقاتاں وچ پاکستان تے قطر دے دو طرفہ تعلقات، آپسی دلچسپی دے معاملیاں، علاقائی حالتاں تے عالمی پیش رفت اُتے وی گل بات کیتی جائے گی۔

ذرائع دے مطابق نائب وزیرِ اعظم تے وزیرِ خارجہ اسحاق ڈار سمیت ہور اہم حکومتی شخصیتاں وی وزیرِ اعظم دے نال ہوݨ گیاں۔