3 سالاں وچ باہرلے ملکاں جاݨ دے چاہوان 74 ہزار 474 بندے آف لوڈ (جہاز توں لاہے گئے)
اسلام آباد (این این آئی، مانیٹرنگ ڈیسک) وفاقی تحقیقاتی ادارے (ایف آئی اے)، وکھو وکھ ایجنسیاں تے اداریاں نے 3 سالاں وچ باہرلے ملک (بیرون ملک) جاݨ دے چاہوان 74 ہزار 474 بندیاں نوں آف لوڈ کیتا۔
دستاویز دے مطابق 39 ہزار 786 بندیاں نوں ایف آئی اے نے جدکہ 34 ہزار لوکاں نوں وکھو وکھ ایجنسیاں تے اداریاں نے آف لوڈ کیتا۔ دستاویز وچ دسیا گیا اے کہ 30 ہزار 21 لوکاں نوں وکھ وکھ ائیرلائنز نے سفر توں روکیا، 3 ہزار 617 بندے اپنی کسے وجہ پاروں خود ہی آف لوڈ ہوئے، جدکہ 40 بندیاں نوں کسٹمز، اے این ایف (ANF) یا اے ایس ایف (ASF) نے آف لوڈ کیتا۔
