ٹانک وچ پولیس دی بکتر بند گڈی دے نیڑے دھماکا، 2 اہلکار شہید، 2 زخمی۔
ٹانک وچ پولیس دی بکتر بند گڈی دے نیڑے دھماکے نال اے ایس آئی سمیت 2 پولیس اہلکار شہید تے 2 اہلکار زخمی ہو گئے۔
ڈی پی او ٹانک عبدالصمد خان دے مطابق جنوبی وزیرستان روڈ تے پولیس دی بکتر بند گڈی معمول دے گشت تے سی جیہڑی ورانہ دے مقام تے دھماکے دی زد وچ آ گئی۔
دھماکے وچ اے ایس آئی فریداللہ تے سپاہی اختر زمان موقع تے ای شہید ہو گئے جد کہ سپاہی عبدالمالک تے سپاہی قدرت اللہ زخمی ہو گئے۔
شہدا دیاں میتاں تے زخمی اہلکاراں نوں فوراً ڈسٹرکٹ ہیڈکوارٹر ہسپتال ٹانک منتقل کر دتا گیا اے۔
ڈی پی او دے مطابق واقعے دی تحقیقات کیتیاں جا رہیاں نیں تے علاقے نوں گھیرے وچ لے کے سرچ آپریشن جاری اے۔
