آزاد کشمیر: بلاول 17 توں 24 جولائی تیکر انتخابی مہم چلاؤن گے
ڈڈیال، کوٹلی، مظفرآباد، میرپور وچ وڈے کٹھاں (اجتماعات) نال خطاب کرن گے
اسلام آباد (آن لائن) پاکستان پیپلز پارٹی نے آزاد جموں و کشمیر چناؤ (انتخابات) 2026 لئی چیئرمین بلاول بھٹو زرداری دی انتخابی مہم دا باضابطہ شیڈول جاری کر دتا اے، جس دے مطابق اوہ 17 توں 24 جولائی تیکر آزاد کشمیر دے وکھو وکھ اضلاع دا دورہ کرن گے تے ڈڈیال، کوٹلی، مظفرآباد تے میرپور وچ وڈے عوامی جلسیاں نال خطاب کرن گے۔
انتخابی مہم دے دوران بلاول بھٹو زرداری پارٹی امیدواراں دے حق وچ ووٹ دی اپیل کرن دے نال نال کارکنوں تے عوام نال وی ملاقاتاں کرن گے۔ بلاول 17 جولائی توں انتخابی مہم دا باقاعدہ مڈھ رکھن (آغاز کرن) گے۔ انتخابی مہم دا پہلا عوامی جلسہ 17 جولائی نوں حلقہ ایل اے ون ڈڈیال وچ ہووے گا، 19 جولائی نوں کوٹلی تے 21 جولائی نوں مظفرآباد وچ جلسے نال خطاب کرن گے۔ انتخابی مہم دا آخری جلسہ 24 جولائی نوں میرپور وچ شام 5 بجے ہووے گا۔ ایس جلسے دی میزبانی چودھری یاسر سلطان کرن گے۔
