دہشت گرد جنے مرضی حملے کر لین، اسیں پاکستان دا جھنڈا نہیں چھڈاں گے: وزیراعلیٰ بلوچستان

وزیراعلیٰ بلوچستان سرفراز بگٹی دا کہنا اے کہ دہشت گرد جنے مرضی حملے کر لین، اسیں پاکستان دا جھنڈا نہیں چھڈاں گے، بلوچستان دے لوک پاکستان نال محبت کردے نیں۔

کوئٹہ وچ نوابزادہ سراج رئیسانی دی برسی دی تقریب نال خطاب وچ وزیراعلیٰ بلوچستان سرفراز بگٹی دا کہنا سی کہ 3 دن پہلے پاک فوج دے 11 جوان بیلہ وچ شہید ہوئے، کل 5 معصوم حجاماں نوں شہید کیتا گیا، کیہ ایہ ساڈی روایت اے؟ کیہ کوئی ایس دی مذمت کر رہیا اے، ایس دے خلاف دھرنا دے رہیا اے؟ ایہ اوہ سازش اے جیہنوں سب نے مل کے ناکام بنانا اے۔

وزیراعلیٰ بلوچستان دا کہنا سی کہ 2 مہینے پہلے میرے چھوٹے بھائی نوں زخمی کیتا گیا، اوہ اج وی دہشت گرداں دے خلاف سرگرم اے، ایف سی، بلوچستان پولیس تے پاک افواج بے انتہا قربانیاں دے رہیاں نیں، اک پاسے ریاست دے لوکاں نوں شہید کیتا جا رہیا اے تے دوجے پاسے الزام وی میری ریاست تے اے۔

انہاں دا کہنا سی کہ شہید سراج رئیسانی دی شہادت بلوچستان دی تاریخ وچ سنہرے حرفاں وچ لکھی جائے گی، شہید سراج رئیسانی بلوچستان وچ خراب حالات وچ فرنٹ لائن تے سن۔