اسلام وچ سوانیاں متعلق واضح احکامات نیں، سوانیاں نوں بااختیار بنانا قوم دی ترقی اے: مریم نواز

وزیراعلیٰ پنجاب مریم نواز دا کہنا اے کہ اسلام وچ سوانیاں متعلق واضح احکامات نیں، سوانیاں نوں بااختیار بنانا صرف اک طبقے دی نہیں بلکہ قوم دی ترقی اے۔

اسلام آباد وچ نویں اسلامی تعاون تنظیم دی وزارتی کانفرنس برائے سوانیاں نال خطاب وچ وزیراعلیٰ پنجاب مریم نواز دا کہنا سی کہ سوانیاں متعلق کانفرنس وچ شرکت میرے لئی اعزاز دی گل اے، پاکستان وچ سوانیاں لئی مالی شمولیت تے کاروباری مواقع دی فراہمی یقینی بنا رہے آں۔

مریم نواز دا کہنا سی کہ اسلام وچ سوانیاں متعلق واضح احکامات نیں، سوانیاں نوں بااختیار بنانا صرف اک طبقے دی نہیں بلکہ قوم دی ترقی اے، سوانیاں نوں آئی ٹی اسکلز دی فراہمی یقینی بنا رہے آں، تعلیم، صحت تے روزگار سوانیاں دے بنیادی حقوق نیں، سوانیاں نوں بہتر صحت دیاں سہولتاں دی فراہمی تے خصوصی توجہ دتی جا رہی اے۔

وزیراعلیٰ پنجاب دا کہنا سی کہ سوانیاں دے مسائل دے حل لئی سانجھے اقدامات کرن دی لوڑ اے، سوانیاں لئی محفوظ تے مساوی مواقع دی فراہمی حکومتِ پاکستان دی ترجیح اے، طالبات نوں اسکالرشپس تے لیپ ٹاپ دی فراہمی یقینی بنائی جا رہی اے۔