وفاق ، پنجاب گندم کی ترسیل پر پابندی ختم کریں، پختونخوا حکومت
- پشاور (اے پی پی): خیبر پختونخوا حکومت نے مطالبہ کیتا اے کہ وفاقی تے پنجاب حکومتاں فوراً بغیر کسے رکاوٹ دے کنک (گندم) تے آٹے دی ترسیل یقینی بناؤن، تے غیر ضروری پابندیاں فوراً ختم کیتیاں جاؤن۔
- پنجاب حکومت صوبیاں وچکار تجارت بارے آئینِ پاکستان دے آرٹیکل 151 دی روح دے خلاف کنک تے آٹے دی نقل و حمل اُتے غیر ضروری پابندیاں لا رہی اے۔ پریس کانفرنس کردیاں ہویاں خیبر پختونخوا دے وزیرِ اطلاعات شفیع جان نے آکھیا کہ خیبر پختونخوا دی کنک دی سالانہ لوڑ 54 لکھ 36 ہزار 537 میٹرک ٹن اے، جدکہ سال 2026 وچ کنک دی مقامی پیداوار 16 لکھ 32 ہزار میٹرک ٹن رہی اے۔ صوبے نوں سالانہ 38 لکھ 4 ہزار 537 میٹرک ٹن کنک دی تھوڑ (کمی) دا ساہمنا کرنا پیندا اے جیہڑی دوجے صوبیاں، خاص طور اُتے پنجاب دے کساناں توں خریدی جاندی اے۔
- شفیع جان نے آکھیا کہ ایس ویلے سرکاری فوڈ گرین گوداماں وچ 1 لکھ 53 ہزار 933 میٹرک ٹن کنک موجود اے، تے نجی شعبے وچ کنک تے آٹے دا اندازہ لایا گیا ذخیرہ 1 لکھ 14 ہزار 806 میٹرک ٹن اے۔ اوہناں آکھیا کہ فی الحال صوبے دے کسے وی حصے وچ کنک یا آٹے دی کوئی تھوڑ نہیں اے تے مارکیٹ دے حالات پوری طرحاں قابو وچ نیں۔
- اوہناں آکھیا کہ بدقسمتی نال پنجاب حکومت صوبیاں وچکار تجارت بارے آئینِ پاکستان دے آرٹیکل 151 دی روح دے خلاف کنک تے آٹے دی نقل و حمل اُتے غیر ضروری پابندیاں لا رہی اے، ایہناں قدماں پاروں خیبر پختونخوا وچ سپلائی متاثر ہون، قیمتاں ودھن تے مارکیٹ اُتے دباؤ ودھن دا خطرہ پیدا ہو رہیا اے۔
