اسرائیلی وزیراعظم دی ایران نوں سنگین نتائج بھگتن تے سخت نشانہ بناؤن دی دھمکی
اسرائیلی وزیراعظم نیتن یاہو دی ایران نوں سخت نشانہ بناؤن دی دھمکی؛ آکھیا، “جے ساڈے اُتے حملہ ہویا تاں پوری طاقت نال ایران نوں ماراں گے”
لاہور :
اسرائیلی وزیراعظم بینجمن نیتن یاہو نے ایران نوں سخت نشانہ بناؤن دی دھمکی دے دتی اے۔
اسرائیلی وزیراعظم نے وارننگ دیندیاں آکھیا اے کہ جے ساڈے اُتے حملہ ہویا تاں اسیں پوری قوت نال ایران اُتے جوابی حملہ کراں گے۔ اوہناں دا کہنا سی کہ ایہہ بالکل نہ سوچیا جائے کہ ساڈے اُتے حملہ ہویا تاں اسیں چپ کر کے بہہ جاواں گے۔
نیتن یاہو نے مزید آکھیا کہ اوہ دن ہن لنگھ گئے نیں جدوں ساڈے اُتے حملے ہوندے سن تے اسیں فیصلہ کن جواب نہیں دیندے سی۔ ہن ہر حملے دا منہ توڑ تے تکھا جواب دتا جائے گا۔
