ڈاک ونڈن والے عملے دی فیول سیلنگ (تیل دے کوٹے) وچ 50 فیصد تیکر کمی
فنڈز ملن تے تیل (فیول) دے سارے بقایا کلیمز کلیئر کیتے جان، ڈی جی پاکستان پوسٹ
اسلام آباد (نیوز رپورٹر)
ڈائریکٹر جنرل پاکستان پوسٹ نے ڈاک ونڈن (تقسیم کرن) والے عملے لئی نویں سرے توں طے کیتی گئی فیول سیلنگ (تیل دے کوٹے) دی منظوری دے دتی اے۔ نویں پالیسی وچ تیل دے کوٹے وچ 50 فیصد تیکر کٹوتی کر کے سب لئی ماہانہ 30 لیٹر دی حد مقرر کر دتی گئی اے۔ ڈائریکٹر جنرل پاکستان پوسٹ نے پرانی سیلنگ (جیڑی 17 نومبر 2023 توں لاگو سی) وچ پھیر بدل کردیاں ہوئیاں کٹوتی کیتی اے۔
ایس توں پہلے پوسٹ مین نوں 35 لیٹر، وڈے شہراں دے ڈیلیوری ایجنٹاں نوں 60 لیٹر تے چھوٹے شہراں وچ 50 لیٹر تیل دتا جاندا سی۔ نویں فیول پالیسی دے تحت ڈاک ونڈن والے سارے عملے دا تیل دا کوٹہ ہن برابر (اکو جیہا) کر دتا گیا اے۔
نویں چٹھی (مراسلے) دے مطابق سارے پوسٹ ماسٹر جنرلز نوں ہدایت کیتی گئی اے کہ سال 2026-27 دے فنڈز ملدے ای تیل دے سارے پرانے تے رکے ہوئے کلیمز نوں پہل دے اادھار تے کلیئر کیتا جائے۔ ایس فیصلے دا اطلاق ملک دے سارے سرکلز بشمول اسلام آباد، راولپنڈی، لاہور، کراچی، پشاور، ملتان، حیدرآباد، کوئٹہ تے مظفرآباد تے ہوئے گا۔
