مراعات وچ واجھے (اضافے) تے بلیو پاسپورٹ بل دی منظوری شرمناک اے: احسن اقبال

اسلام آباد

وفاقی وزیر برائے منصوبہ بندی احسن اقبال نے سینیٹراں تے اسمبلی ممبراں (ارکانِ پارلیمنٹ) دیاں مراعات وچ واجھے (اضافے) تے اوہناں دے ٹبر (اہلِ خانہ) نوں بلیو پاسپورٹ دیݨ دے ترمیمی بل اُتے سخت غصے دا اظہار کردے ہوئے ایہنوں شرمناک قرار دتا اے۔

احسن اقبال نے آکھیا کہ گھر والی (اہلیہ) تے 28 سال تک دے بچیاں نوں بلیو پاسپورٹ دیݨ دا بل سینیٹ دی کمیٹی توں منظور ہونا افسوسناک اے۔ اوہناں آکھیا کہ ہرا (گرین) پاسپورٹ پاکستان دی پچھان، عزت تے قومی شان دی نشانی اے، ایسے قانون قومی عزت نوں ٹھیس پہنچاؤندے نیں تے اوہ ایہدی بھرپور مذمت کردے نیں۔ وفاقی وزیر دا کہنا سی کہ قومی مفاد دے خلاف مراعات دیݨ دی بجائے لوکائی دی بھلائی (عوامی فلاح و بہبود) نوں پہل دتی جانی چاہیدی اے۔