شیشہ کیفے، ایڈز وچ وادھا: ڈی سی تے آئی جی اسلام آباد طلب

شیشہ کیفے دی تفصیلات کیوں منگ رہے او؟ اسلام آباد ہائیکورٹ دا وکیل توں سوال

کئی شیشہ کیفے بغیر این او سی دے چل رہے نیں، رات بھر ہون والیاں پارٹیاں پاروں ایڈز پھیل رہی اے: وکیل درخواست گزار

اسلام آباد (رضوان قاضی)

اسلام آباد ہائیکورٹ دے چیف جسٹس سرفراز ڈوگر نے وفاقی دارالحکومت وچ شیشہ کیفیاں دی ودھدی ہوئی گنتی تے ایڈز، ایچ آئی وی دے مریضان وچ وادھے دے معاملے تے ڈپٹی کمشنر (ڈی سی) تے آئی جی پولیس اسلام آباد نوں اگلی پیشی تے ذاتی حیثیت وچ سد (طلب کر) لیا اے۔ شہری عبدالجبار دی درخواست تے سماعت دے دوران عدالت نے درخواست گزار دے وکیل سہیل خورشید توں پچھیا کہ تسیں شیشہ کیفے دی تفصیلات کیوں منگ رہے او؟

وکیل نے آکھیا کہ اسلام آباد وچ شیشہ کیفے بن گئے نیں تے اوتھے رات بھر پارٹیاں چلدیاں رہندیاں نیں، کئی شیشہ کیفے بغیر این او سی (NOC) توں چل رہے نیں۔ وزیرِ صحت دا بیان اے کہ رات دیر تیکر چلن والیاں پارٹیاں دی وجہ توں ایڈز تے ایچ آئی وی پھیل رہا اے، فریقین توں قانون تے ضابطیاں دی خلاف ورزی کرن والے شیشہ کیفیاں دے خلاف کارروائی دا طریقہ کار تے تفصیلات منگیاں جان۔ عدالت نے ڈپٹی کمشنر تے آئی جی پولیس نوں جواب لئی نوٹس جاری کردیاں ہویاں سماعت اگلے ہفتے تیکر لئی ٹال (ملتوی کر) دتی۔