پی ٹی اے دا ایکشن، بغیر اجازت سمّاں، موبائل کمپنیاں تے جرمانہ، بائیو میٹرک تصدیق، غیر قانونی سمّاں، پاکستان ٹیلی کمیونیکیشن اتھارٹی خبراں
پاکستان ٹیلی کمیونیکیشن اتھارٹی نے صارفین دی اجازت توں بغیر شناختی کارڈز تے سمّاں جاری کرن دے معاملے تے چاروں وڈیاں موبائل کمپنیاں دے خلاف کارروائی کردیاں ہویاں مجموعی طور تے 74 کروڑ روپے دے جرمانے عائد کر دتے۔
پی ٹی اے دے مطابق زونگ تے سم جاری کرن دے ضوابط دی خلاف ورزی تے 15 کروڑ 56 لکھ روپے، جاز تے غیر قانونی سم جاری کرن تے نگرانی وچ غفلت تے 11 کروڑ 67 لکھ روپے جدکہ ٹیلی نار تے بھی 11 کروڑ 67 لکھ روپے جرمانہ عائد کیتا گیا۔
ایسے طرحاں یوفون تے وکھ وکھ خلاف ورزیاں پاروں 23 کروڑ 34 لکھ روپے توں ودھ دا جرمانہ عائد کیتا گیا۔
پی ٹی اے نے اپنے فیسلیاں وچ موبائل کمپنیاں نوں سم جاری کرن دے عمل وچ سنگین بے ضابطگیاں دا ذمہ دار قرار دیندیاں ہویاں جرمانے متوقع مدت وچ جمع کران دی ہدایت کیتی اے، بصورتِ دیگر مزید قانونی کارروائی کیتی جائے گی۔
اتھارٹی دے مطابق فرنچائزاں دی خلاف ورزیاں دی ذمہ داری وی متعلقہ موبائل کمپنی تے عائد ہوئے گی، کیونکہ کمپنیاں نے فرنچائزاں تے بائیومیٹرک تصدیقی نظام دی مؤثر نگرانی نہیں کیتی۔
پی ٹی اے نے خبردار کیتا اے کہ غیر قانونی سمّاں دا اجرا شناختی چوری، سائبر فراڈ تے مالی جرائم ورگے سنگین خطرات دا باعث بن سکدا اے۔
