نیشنل فیس لیس سینٹر دی آپریشنل تیاری نوں یقینی بنایا جائے، وزیر خزانہ
منصوبے دی کامیابی لئی آپریشنل، ٹیکنالوجی ٹیماں وچ ہم آہنگی ناگزیر، خطاب
کیپٹل مارکیٹ کونسل دا اجلاس، سرمایہ جاتی منڈی دیاں اصلاحات اُتے عملدرآمد دی ہدایت
اسلام آباد (اے پی پی)
وفاقی وزیرِ خزانہ تے محصولات سینیٹر محمد اورنگزیب نے فیڈرل بورڈ آف ریونیو (ایف بی آر) دے نیشنل فیس لیس سینٹر دے نفاذ دے روڈ میپ تے آپریشنل تیاریاں دا جائزہ لین لئی اجلاس دی صدارت کیتی۔ ایہ نواں منصوبہ ٹیکس آپریٹنگ ماڈل دے تحت ٹیکس انتظامیہ نوں جدید ٹیکنالوجی، مرکزیت تے شفافیت اُتے مبنی نظام وچ بدلن دی اک اہم اصلاحاتی کوشش اے۔
سینیٹر محمد اورنگزیب نے پراجیکٹ مینجمنٹ یونٹ دے قیام وچ ہون والی پیشرفت نوں سراہندیاں ہویاں آکھیا کہ نیشنل فیس لیس سینٹر دی آپریشنل تیاری نوں یقینی بنایا جائے۔ منصوبے دی کامیابی لئی آپریشنل تے ٹیکنالوجی ٹیماں دے وچکار موثر ہم آہنگی ناگزیر اے۔ اوہناں نے ہدایت کیتی کہ آپریشنل تیاری نوں یقینی بنایا جائے، ممکنہ مسلیاں دی ویلے سر نشان دہی کیتی جائے تے حاصل ہون والے تجربات دی روشنی وچ نظام نوں ہور بہتر بنایا جائے۔
ایس توں علاوہ وفاقی وزیرِ خزانہ تے محصولات سینیٹر محمد اورنگزیب دی زیرِ صدارت کیپٹل مارکیٹ ڈویلپمنٹ کونسل (سی ایم ڈی سی) دا اجلاس ہویا جیہدے وچ سرمایہ جاتی منڈی دیاں اصلاحات اُتے تیز رفتار عملدرآمد دی ہدایت کیتی گئی۔
