مولانا دے ادھورے جملے اُتے طوفانِ بدتمیزی برپا کیتا گیا: عطا الرحمن

جرأت اے تے اوہناں دی پوری تقریر سنو، قصور کانفرنس دی کامیابی ہضم نہیں ہو رہی

باجوڑ جلسے وچ ساڈے 80 کارکن شہید ہوئے، اک جملے اُتے قربانیاں بھلا دتیاں گئیں: جے یو آئی

پشاور (مانیٹرنگ ڈیسک)

جے یو آئی خیبر پختونخوا دے امیر مولانا عطا الرحمن نے پریس کانفرنس کردیاں ہویاں آکھیا اے کہ مولانا فضل الرحمن دے ادھورے جملے اُتے طوفانِ بدتمیزی برپا کر دتا گیا۔ جے جرأت اے تے اوہناں دی پوری تقریر سنو۔ اوہناں نے آکھیا کہ قصور وچ جے یو آئی دی کامیاب کانفرنس لوکاں نوں ہضم نہیں ہوئی، مولانا فضل الرحمن دی تقریر اُتے سیاق و سباق توں ہٹ کے تبصرہ کیتا جا رہا اے، جے یو آئی پختونخوا ایس بیان دی پوری حمایت کردی اے۔

اوہناں نے آکھیا کہ جے یو آئی نے ملک لئی قربانیاں دتیاں نیں، صرف باجوڑ جلسے وچ ساڈے 80 کارکن شہید ہوئے، ساڈے علما نوں نشانہ بنایا گیا پر اسیں ریاست دے نال کھڑے رہے، صرف ایک جملے اُتے ساڈیاں قربانیاں بھلا دتیاں گئیں۔ اوہناں نے ہور آکھیا کہ ریاست کیہ کہنا چاہندی اے تے کیہ کرنا چاہندی اے؟ پورے جلسے وچوں صرف دو لفظاں اُتے بحث کیتی جا رہی اے، مولانا فضل الرحمن نے سارے علما کرام نوں اکٹھا کیتا تے دہشت گردی دے خلاف فتویٰ دواندایا۔

مولانا عطا الرحمن نے آکھیا کہ جے جے یو آئی دا راہ ڈکو گے تے اسیں سمجھاں گے ملکی ترقی وچ تسیں رکاوٹ او، اوہناں نوں آؤن والے الیکشن وچ جے یو آئی دی کامیابی توں ڈر لگ رہا اے، باہرلے ملکاں دے اشاریاں اُتے جے یو آئی نوں نشانہ بنایا جا رہا اے۔