پاکستان تے سویڈن دا زرعی تعاون نوں ہور ودھاؤن (وسعت دین) اُتے اتفاق
رانا تنویر دی سویڈش سفیر نال ملاقات، کھوجی (تحقیقی) اداروں وچ سانجھے داری دی تجویز
سویڈش کمپنیوں نوں زراعت، فوڈ پروسیسنگ، ڈیری تے ویلیو ایڈیشن دے شعبیاں وچ سرمایہ کاری دا سدا
اسلام آباد (نامہ نگار)
وفاقی وزیر برائے قومی غذائی تحفظ تے تحقیق رانا تنویر حسین نے سویڈن دی سفیر الیگزینڈرا برگ وان لنڈے نال ملاقات کیتی۔ ایس موقعے اُتے پاکستان تے سویڈن وچالے زراعت، غذائی تحفظ (فوڈ سیکیورٹی) تے کھوج (تحقیق) دے شعبیاں وچ تعاون نوں ہور ودھاؤن اُتے اتفاق کیتا گیا۔ وفاقی وزیر نے آکھیا کہ پاکستان کھیتی باڑی تے ایہدے نال جڑے شعبیاں وچ دو پاسی تعاون نوں ہور وسعت دین تے سویڈن دے تجربیاں، تربیتی پروگراماں تے مہارت توں پورا فائدہ چکن دا خواہشمند اے۔
ملاقات وچ دوہاں ملکاں دے متعلقہ اداروں وچالے سانجھے داری نوں ہور مضبوط بناؤن اُتے وی اتفاق کیتا گیا۔ وفاقی وزیر نے کھوج، تکنیکی وفداں دے تبادلے، تعلیمی رابطیاں تے پاکستان ایگریکلچرل ریسرچ کونسل (PARC) تے سویڈن دے زرعی کھوجی اداروں وچالے شراکت داری نوں فروغ دین دی تجویز دتی۔ اوہناں نے سویڈش کمپنیاں نوں زراعت، فوڈ پروسیسنگ، ڈیری، فصل کٹن توں بعد دے انتظام (پوسٹ ہارویسٹ مینجمنٹ) تے ویلیو ایڈیشن وچ سرمایہ کاری دی دعوت وی دتی۔ ایس موقعے اُتے دوہاں دھریاں نے ڈنگراں دی صحت، ڈیری سیکٹر، فوڈ سیفٹی تے پائیدار لائیو سٹاک دی ترقی لئی تعاون ودھاؤن اُتے اتفاق کیتا۔
سویڈن دی سفیر نے وفاقی وزیر نوں پاکستان دیاں قومی پدھر دیاں کوششاں نوں من دیاں ہویاں ‘گلوبل لیڈرز گروپ آن اینٹی مائیکروبیل ریزسٹنس’ دی ممبری لین دی باضابطہ ہلا شیری دتی، جیہدا وفاقی وزیر نے خیرمقدم کیتا تے آکھیا کہ پاکستان ایس نامزدگی دے عمل نوں اگے ودھائے گا تے ایس عالمی پلیٹ فارم اُتے اپنا بھرواں کردار ادا کرے گا۔ دوہاں دھریاں نے اینٹی بائیوٹکس دے ذمہ دارانہ استعمال، لوکاں وچ جاگروتی (عوامی آگاہی) تے ‘ون ہیلتھ’ دے نظام نوں ہور تکڑا بناؤن اُتے وی اتفاق کیتا۔
