سابق وزیر اعظم تنویر الیاس دے قافلے اُتے فائرنگ، گارڈ جاں بحق
ٹائیں ڈھلکوٹ وچ گاڑی نوں نشانہ بنایا گیا، محمد آصف موقعے اُتے ہی زندگی دی بازی ہار گیا
دہشت گرداں دے خلاف فیصلہ کن آپریشن لازمی ہو چکا اے، صدر آئی پی پی آزاد کشمیر دا ویڈیو پیغام
مظفرآباد، اسلام آباد (بیورو رپورٹ، مانیٹرنگ ڈیسک)
آزاد کشمیر دے سابق وزیر اعظم سردار تنویر الیاس دے قافلے اُتے فائرنگ نال اوہناں دا ذاتی محافظ جاں بحق ہو گیا اے۔ ذرائع دے مطابق آزاد کشمیر دے سابق وزیر اعظم تے استحکامِ پاکستان پارٹی (آئی پی پی) آزاد کشمیر دے صدر سردار تنویر الیاس دے قافلے اُتے ٹائیں ڈھلکوٹ دے مقام اُتے نامعلوم بندیاں نے مبینہ طور اُتے فائرنگ کیتی۔ خبراں دے مطابق حملہ آوراں نے سابق وزیر اعظم دی گاڑی نوں نشانہ بنایا جیہدے نتیجے وچ اوہناں دا ذاتی گارڈ محمد آصف موقعے اُتے ہی جان دی بازی ہار گیا۔ ذرائع دا کہنا سی کہ تنویر الیاس خان پارٹی رہنماواں تے کارکنوں نال دو دہاڑے دے دورے اُتے راولاکوٹ جا رہے سن، پر ایس واقعے توں بعد اوہ دورہ منسوخ کر کے واپس راولپنڈی پہنچ گئے۔ ڈی آئی جی آزاد کشمیر راجہ اکمل نے تنویر الیاس دے ترجمان دا حوالہ دیندیاں دسیا کہ اوہناں دا اک گارڈ جاں بحق تے دوجے زخمی ہوئے نیں۔ ڈی آئی جی مطابق واقعے دی ہور جاچ پڑتال کیتی جا رہی اے تے قانون ہتھ وچ لین والیاں دے خلاف سخت کارروائی کیتی جائے گی۔
اویسے دوران صدر سردار تنویر الیاس نے ایکشن کمیٹی دے شرپسنداں ولوں حملے توں بعد اک ویڈیو پیغام جاری کیتا۔ اوہناں آکھیا کہ اسیں حلقہ ایل اے 22 پونچھ 5 وچ اپنے آبائی گھر جا رہے سی، جدوں ساڈا قافلہ آزاد کشمیر دی حد وچ داخل ہویا تاں کوئی ڈیڑھ کلومیٹر دا فاصلہ طے کرن توں بعد یونین کونسل ٹائیں ڈھلکوٹ دے مقام اُتے مجھ اُتے قاتلانہ حملہ کیتا گیا۔ حملے وچ میرا ساتھی سردار محمد آصف مینوں بچاؤندیاں ہویاں جامِ شہادت نوش کر گیا، جد کہ قافلے وچ شامل دوجے ساتھی زخمی ہوئے۔
اوہناں ہور آکھیا کہ جیہڑے عنصر ریاست وچ آٹے تے کھان پین دیاں چیزاں دی تھوڑ (قلت) دا رولا پاؤندے نیں، اوہی آپ رستے بند کر کے ریاستی نظام تے عام بندے دی زندگی نوں یرغمال بنائی بیٹھے نیں۔ اسیں معاملیاں نوں صلح صفائی تے وچولپنے (ثالثی) راہیں حل کرن دی ہر ممکن کوشش کیتی پر ایہ دہشت گرد کسے رعایت دے حقدار نہیں نیں۔ ایہناں دہشت گرداں دے خلاف فیصلہ کن آپریشن لازمی ہو چکا اے تے لوڑ پین اُتے فوج نوں وی اپنا کردار ادا کرنا ہوئے گا۔ ایسے عنصراں نوں پونچھ سمیت ریاست دے کسے وی حصے وچ برداشت نہیں کیتا جا سکد
