نواز شریف مظفر آباد تے میرپور وچ انتخابی جلسیاں نال خطاب کرن گے
آزاد کشمیر انتخابات: مسلم لیگ (ن) دا مشاورتی اجلاس، نواز شریف تے مریم نواز مظفر آباد تے میرپور وچ انتخابی جلسیاں نال خطاب کرن گے
رانا ثناء اللہ، امیر مقام تے راجہ فاروق حیدر دی شرکت، انتخابی حکمتِ عملی تے تیاریاں دا تفصیلی جائزہ
مظفرآباد (اسلم میر)
پاکستان مسلم لیگ (ن) دی مرکزی قیادت نے آزاد جموں و کشمیر دے عام چُناؤ (انتخابات) دے حوالے نال مظفرآباد وچ پارٹی رہنماواں نال اک اہم مشاورتی اجلاس کیتا۔ ایس اجلاس وچ انتخابی حکمتِ عملی، قائد مسلم لیگ (ن) میاں محمد نواز شریف دے دورہ آزاد کشمیر تے انتخابی جلسیاں دیاں تیاریاں دا تفصیلی جائزہ لیا گیا۔
اجلاس وچ رانا ثناء اللہ، انجینئر امیر مقام، شاہ غلام قادر، راجہ فاروق حیدر، کیپٹن (ر) محمد صفدر، مرتضیٰ جاوید عباسی توں وکھ انتخابی حلقیاں دے امیدواراں، بلدیاتی نمائندیاں تے کارکنّاں نے وڈی گنتی وچ شرکت کیتی۔
مشاورتی اجلاس وچ ایہ فیصلہ کیتا گیا اے کہ قائد مسلم لیگ (ن) میاں محمد نواز شریف آزاد کشمیر دے دورے دے دوران مظفرآباد تے میرپور وچ دو وڈے انتخابی جلسیاں نال خطاب کرن گے، جدکہ وزیرِ اعلیٰ پنجاب مریم نواز وی دوواں جلسیاں وچ اوہناں دے نال ہون گیاں۔
