مہنگائی وچ ہور 1.40 فیصد وادھا، مجموعی سالانہ شرح 13 فیصد توں ٹپ گئی

ملک وچ اک ہفتے دوران مہنگائی وچ 1.40 فیصد وادھا، سالانہ شرح 13 فیصد توں ٹپ گئی

27 لازمی چیزاں مہنگیاں، ٹماٹر 22.79 تے چکن 14.66 فیصد مہنگا، پٹرول، ڈیزل تے ایل پی جی دی قیمتاں وی ودھ گیاں، ادارہ شماریات

اسلام آباد (مانیٹرنگ ڈیسک)

ملک وچ اک ہفتے دے دوران مہنگائی وچ 1.40 فیصد وادھا ریکارڈ کیتا گیا اے، جیہدے توں بعد مہنگائی دی مجموعی سالانہ شرح ودھ کے 13.09 فیصد تک اپڑ گئی اے۔ وفاقی ادارہ شماریات ولوں جاری کیتی گئی ہفتہ وار رپورٹ دے مطابق، لنگھے ہفتے 27 لازمی چیزاں دیاں قیمتاں وچ وادھا، 4 چیزاں دی قیمتاں وچ کمی، جدکہ 20 چیزاں دیاں قیمتاں مستحکم رہیاں۔

ادارہ شماریات دے مطابق، اک ہفتے دے اندر ڈیزل 4.41 فیصد تے پٹرول 4.40 فیصد مہنگا ہویا، جدکہ ایل پی جی (LPG) دی قیمت وچ 12.46 فیصد دا وڈا وادھا ریکارڈ کیتا گیا۔

رپورٹ وچ دسیا گیا اے کہ ٹماٹر 22.79 فیصد تے چکن 14.66 فیصد مہنگا ہویا، ایس توں وکھ آلو، پیاز تے انڈیاں سمیت کئی دوجیاں لازمی چیزاں دیاں قیمتاں وی ودھ گئیاں۔ دوجے پاسے، کیلے 0.80 فیصد تے دال مونگ 0.70 فیصد سستی ہوئی، جدکہ کھنڈ (چینی) تے دال مسور دیاں قیمتاں وچ وی کمی دیکھی گئی۔