ملک دے بوہتے علاقیاں وچ اج گرمی تے شدید حبس، کجھ تھانواں اُتے مینہہ

اسلام آباد (اے پی پی): محکمہ موسمیات نے آؤندے 24 گھنٹیاں دے دوران ملک دے بوہتے علاقیاں وچ موسم گرم تے شدید حبس رہن دی پیش گوئی کر دتی اے، پر کشمیر تے نال لگدے پہاڑی علاقیاں وچ کجھ تھانواں اُتے مینہہ پین دا امکان اے۔

بحیرہ عرب توں آؤن والیاں مون سون ہواواں ملک دے اتلے تے وسطی علاقیاں وچ داخل ہو رہیاں نیں تے اوہناں وچ شدت آؤن دا امکان اے۔ آزاد کشمیر تے گلگت بلتستان وچ اج توں 25 جولائی، خیبر پختونخوا، بلوچستان، پنجاب تے اسلام آباد وچ کل 19 جولائی توں 23 جولائی، جدکہ سندھ دے کجھ علاقیاں وچ 20 جولائی توں 24 جولائی دے دوران تیز ہواواں/آندھی تے گرج چمک دے نال مینہہ پین دا امکان اے۔