ساؤتھ ایئر دا اسلام آباد توں وی باقاعدہ فضائی آپریشن دا آغاز

اسلام آباد (خصوصی نیوز رپورٹر): اسلام آباد انٹرنیشنل ایئرپورٹ توں ساؤتھ ایئر نے باقاعدہ فضائی آپریشن دا آغاز کر دتا اے۔ افتتاحی تقریب نال خطاب کردیاں ہویاں چیف آپریٹنگ آفیسر سید آفتاب علی شاہ گیلانی نے آکھیا کہ اس اقدام نال ملک دے فضائی رابطیاں وچ مزید بہتری آئے گی، ساؤ تھ ایئر اوہناں روٹس اُتے پروازاں چلائے گی جتھے وڈیاں ایئرلائنز اس ویلے سروس فراہم نہیں کر رہیاں۔

ابتدائی مرحلے وچ ایئرلائن 70 سیٹاں والے طیارے دے ذریعے پروازاں آپریٹ کر رہی اے، ساؤ تھ ایئر دی سروس نال جنوبی پنجاب تے جنوبی علاقیاں دے مسافراں نوں بہتر فضائی سہولت میسر آئے گی۔ بہاولپور، رحیم یار خان، کوئٹہ، تربت تے گوادر ایئرپورٹس نوں ساؤتھ ایئر دے نیٹ ورک نال منسلک کیتا جائے گا جبکہ مظفرآباد تے راولاکوٹ لئی وی جلد فضائی سروس شروع کیتے جان دا امکان اے۔ آفتاب گیلانی نے آکھیا کہ پاکستان ایئرپورٹس اتھارٹی نے ساؤتھ ایئر نوں تمام ضروری سہولتاں فراہم کیتیاں نیں۔