وانا وچ دہشت گردی دی وڈی کوشش ناکام، بارود نال بھری گڈی تباہ، اک خارجی ہلاک، 5 زخمی

راولپنڈی سکیورٹی فورسز نے وانا وچ ویلے سِر (بروقت) کارروائی کردے ہوئے دہشت گردی دی وڈی کوشش ناکام بنا دتی، اک خارجی ہلاک تے 5 زخمی ہو گئے۔

سکیورٹی فورسز نے انٹیلیجنس دی بنیاد تے کیتی گئی کارروائی نال وانا تے آلے دوالے دی شہری آبادی نوں اک وڈی ممکنہ تباہی توں بچا لیا، جڈوں کہ سکیورٹی فورسز نے جنوبی وزیرستان لوئر دے علاقے وانا (غواخوا) وچ بارودی مواد نال بھری گڈی خودکش حملے توں پہلے ہی تباہ کر دتی۔

سکیورٹی ذرائع دے مطابق گڈی وچ موجود دھماکا خیز مواد کسے ممکنہ وڈے دہشت گرد حملے وچ ورتیا جانا سی، پر کارروائی دے دوران سکیورٹی فورسز نے انتہائی پیشہ ورانہ مہارت نال معصوم شہریاں دی جان تے مال دا تحفظ یقینی بنایا۔

ذرائع نے دسیا کہ سکیورٹی فورسز نے خودکش حملے لئی تیار گڈی دی لگاتار تن دن نگرانی کیتی تے آبادی توں دور جان تے ای اوہنوں نشانہ بنایا۔

سکیورٹی ذرائع دے مطابق سکیورٹی فورسز دی کامیاب کارروائی وچ بارود نال بھری گڈی تے موٹر سائیکل تباہ ہو گئی، اک خارجی جہنم واصل جڈوں کہ 5 زخمی ہو گئے۔

دہشت گردی دے خلاف ایہ کامیاب کارروائی ایس گل دا صاف ثبوت اے کہ سکیورٹی فورسز امن دے دشمناں دے اگے سیسہ پلائی کندھ (دیوار) نیں۔