ٹرمپ ولوں ایران دے خلاف وڈے فوجی آپریشن تے غور، درجنوں جہاز اسرائیل روانہ
واشنگٹن (دنیا نیوز) امریکی نیوز ویب سائٹ ‘ایگزیوس’ دے مطابق امریکہ دے صدر ڈونلڈ ٹرمپ ایران دے خلاف وڈے فوجی آپریشن شروع کرن تے غور کر رہے نیں۔
ایگزیوس دی رپورٹ دے مطابق درجنوں فضائی ایندھن بردار (ری فیولنگ) جہاز اسرائیل گھلے جا رہے نیں، ڈونلڈ ٹرمپ دے زیرِ غور منصبویاں وچ ایران دے بجلی گھراں، اہم انفراسٹرکچر تے جوہری تنصیبات نوں نشانہ بنانا شامل اے۔
رپورٹ وچ آکھیا گیا اے جے امریکہ دا مقصد ایران تے دباؤ ودھا کے آبنائے ہرمز کھلوانا اے، امریکہ ایران نوں جوہری مطالبات منّن لئی تیار کرنا چاہندا اے۔
ایگزیوس نے خدشہ ظاہر کیتا اے جے آؤن والے کج دناں وچ ہور امریکی ری فیولنگ جہاز اسرائیل پہنچ سکدے نیں، صدر ٹرمپ نے ہجے آخری فیصلہ نہیں کیتا، پر آؤن والے دناں وچ جنگ ہور تیز ہو سکدی اے۔
چیتے رہے جے وائٹ ہاؤس دی ترجمان اینا کیلی نے آکھیا کہ ایران نے آبنائے ہرمز وچ زیادہ تر شہری جہازاں نوں نشانہ بنایا اے تے ایہو جہے گوانڈھی ملکاں تے وی حملے کیتے نیں جنہاں دا ایس جھگڑے نال کوئی تعلق نہیں۔
اوہناں نے مزید آکھیا کہ امریکی صدر ڈونلڈ ٹرمپ نے امریکی سینٹرل کمانڈ نوں ہدایت دتی اے کہ ایران دی حملے کرن دی صلاحیت نوں گھٹ کیتا جاوے تے ایرانی حکومت نوں اوہدے اقدامات تے جوابدہ ٹھہرایا جاوے ۔
دوجے پاسے پاسدارانِ انقلاب نے خبردار کیتا اے جے امریکی فوج دی میزبانی کرن والے ملک مناسب جواب لئی تیار رہن، امریکی فوجی اڈے رکھن والے ملک شہری دفاع دے اقدامات نوں تیز کرن تے شہریاں نوں ممکنہ فوجی نشانیاں (اہداف) توں دور رکھن۔
ایران وچ طاقت دا سب توں وڈا مرکز سمجھے جان والے پاسدارانِ انقلاب دا کہنا اے کہ امریکی فوجی اڈے رکھن والے ملکاں دی دھرتی ایران دے خلاف ورتی جا رہی اے، امن دی بحالی تیکر جواب دتا جائے گا۔
