پاکستان تے بلوچستان لازم و ملزوم، ریاست مخالف سازشاں ناکام بناواں گے: سرفراز بگٹی

کوئٹہ: وزیراعلیٰ بلوچستان میر سرفراز بگٹی نے آکھیا کہ پاکستان تے بلوچستان لازم و ملزوم نیں، ریاست مخالف سازشاں ناکام بناواں گے۔

آئی ایس پی آر سمر کیمپ وچ 18 شہراں توں آئے نوویں توں بارہویں جماعت دے 4 ہزار توں وڈھ (زائد) طلبا و طالبات نال اچیچی (خصوصی) نشست وچ وزیراعلیٰ بلوچستان میر سرفراز بگٹی نے اچیچا خطاب کیتا۔

سرفراز بگٹی نے آکھیا کہ دہشت گرداں نے بلوچستان دے غیور عوام نوں ریاست دا ساتھ دین تے بے دردی نال شہید کیتا، پر دہشت گردی تے تشدد نوں کسی وی صورت جائز قرار نہیں دتا جا سکدا۔

اوہناں نے آکھیا کہ منگی ڈیم نوں اس لئی نشانہ بنایا گیا کیوں جے ایہ بلوچستان وچ پانی دی فراہمی دا اک اہم منصوبہ اے، جڈوں کہ پولیس تے حملے توں بعد مدد لئی اپڑن (پہنچنے) والی فورس نوں وی نشانہ بنایا گیا۔

میر سرفراز بگٹی دا کہنا سی کہ اس واقعے دی پڑتال (تحقیقات) لئی جوڈیشل کمیشن بنا دتا گیا اے تے سارے سچ (حقائق) قوم دے سامنے لیائے جان گے۔

وزیراعلیٰ بلوچستان نے آکھیا کہ کوئٹہ دھرنے دے دوران کچھ سیاسی رہنماواں نے ریاست دے خلاف گمراہ کن پراپیگنڈا کیتا، پر پاکستان دے خلاف جاری منظم سازش نوں پاک فوج تے بلوچ عوام مل کے ناکام بناواں گے۔

میر سرفراز بگٹی نے آکھیا کہ پاکستان نے فیلڈ مارشل دی قیادت وچ بھارتی جارحیت دا بھرپور جواب دتا، معرکہ حق وچ پوری قوم افواج پاکستان دے مڈھے نال مڈھا جوڑ کے (شانہ بشانہ) کھڑی رہی۔

اوہناں نے آکھیا کہ بھارت دی شہہ (ایما) تے کم کرن والے دہشت گرد اپنے سرپرستاں دا انجام ویکھ چکے نیں، افغانستان دی دھرتی (سرزمین) پاکستان دے خلاف دہشت گردی لئی ورتی (استعمال) ہو رہی اے۔

وزیراعلیٰ بلوچستان دا کہنا سی کہ پاکستان اک قومی ریاست اے جیہڑی ہمیش قائم رہے گی، پاکستان تے بلوچستان لازم و ملزوم نیں تے دیس دا مستقبل روشن اے جتھے ہر شہری بنا کسی ڈر خوف دے آزادی نال زندگی لنگھا (گزار) سکے گا۔