عوام لئی ماڑی خبر، حکومت نے نیشنل سیونگز سکیماں تے منافع دی شرح گھٹ کر دتی

کراچی: حکومت نے نیشنل سیونگز سکیماں تے منافع دی شرح وچ کمی کر دتی۔

قومی بچت سکیم بارے جاری کیتے گئے اعلامیے وچ آکھیا گیا اے کہ بہبود سیونگز تے پینشنرز بینیفٹ اکاؤنٹ تے سالانہ منافع 12.96% کر دتا گیا اے، جڈوں کہ ریگولر انکم سرٹیفکیٹ تے مہینے وار (ماہانہ) منافع دی شرح 11.52% متھ (مقرر) کیتی گئی اے۔

اعلامیے دے مطابق ریگولر انکم سرٹیفکیٹ تے ہن اک لکھ دی سرمایہ کاری تے ہر مہینے 960 روپے منافع ملے گا، جڈوں کہ سپیشل سیونگز سرٹیفکیٹ تے پہلے 6 مہینیاں دا منافع 11.2% تے آخری 6 مہینیاں دا 12.6% ہووے گا۔

اعلامیے وچ ہور آکھیا گیا اے کہ شہداء فیملی ویلفیئر اکاؤنٹ تے وی سالانہ منافع 12.96% کر دتا گیا اے۔