امریکی فوج دی مہمان کرن والے دیس تگڑے جواب لئی تیار رہن: پاسدارانِ انقلاب

تہران: پاسدارانِ انقلاب نے خبردار کیتا اے کہ امریکی فوج دی مہمانی کرن والے دیس تگڑے جواب لئی تیار رہن۔

پاسدارانِ انقلاب نے آکھیا اے کہ امریکی فوجی اڈے رکھن والے دیس شہری دفاع دے پربندھاں نوں چالو (فعال) کرن تے اپنے شہریاں نوں ممکنہ فوجی نشانیاں (اہداف) توں دور رکھن۔

ایران وچ طاقت دا وڈا گڑھ سمجھے جان والے پاسدارانِ انقلاب دا کہنا اے کہ امریکی فوجی اڈے رکھن والے دیساں دی دھرتی (سرزمین) ایران دے خلاف ورتی (استعمال) ہو رہی اے۔

اوہناں نے دسیا کہ ڈرونز تے میزائلاں نال کویت وچ امریکی فوج دے کیمپ “عریفجان” دے لاجسٹک مرکز نوں نشانہ بنایا گیا، جس حملے وچ امریکی اہلکاراں دا جانی نقصان وی ہویا۔

پاسدارانِ انقلاب نے ہور آکھیا کہ کویت دے “علی السالم” ایئربیس تے حملہ کر کے اوہدے ریڈار سسٹمز نوں ناکارہ بنا دتا گیا اے، جد کہ اس کارروائی وچ اسلحے دی سانبھ سنبھال (دیکھ بھال) دے ہینگر تے ڈرون تنصیبات نوں وی تباہ کر دتا گیا اے۔