غزہ وچ اسرائیلی حملے جاری 3 بالاں سمیت 8 فلسطینی شہید

غزہ: اسرائیلی قابض فورسز دے غزہ وچ حملے جاری نیں، لنگھے 24 گھنٹیاں دے دوران اسرائیلی فضائی حملیاں وچ 3 بالاں سمیت 8 فلسطینی شہید ہو گئے۔

عرب میڈیا دے مطابق غزہ شہر دے “النصر” محلے تے اسرائیلی حملے وچ 3 بالاں سمیت 6 فلسطینی شہید جد کہ کئی پھٹڑ (زخمی) ہوئے نیں۔

رپورٹس دے مطابق النصر محلے وچ اک گھر نوں اسرائیلی فضائی حملے وچ نشانہ بنایا گیا، جس دے نتیجے وچ کئی بندے زخمی ہوئے۔

عرب میڈیا دا کہنا اے کہ اسرائیلی فوج نے خان یونس دے غیر قانونی مل مارے (زیرِ قبضہ) علاقیاں وچ دوجی واری عمارتاں ڈھائیاں (مسمار کیتیاں) نیں، جد کہ انہاں علاقیاں وچ عمارتاں ڈھاؤن دیاں 3 کارروائیاں کیتیاں گئیاں۔