الحاق دی قرارداد کشمیریاں دا دل پاکستان نال دھڑکن دی پکی گواہی اے: مریم نواز
سلامتی کونسل دیاں قرار داداں دے مطابق مسئلہ کشمیر دا حل ای کشمیریاں دے حقاں تے امن دا ضامن اے؛ کشمیری بھین بھراواں دی جدوجہد نوں سلام، پاکستان کشمیریاں نوں حق دوان لئی اواز چوکدا (اٹھاتا) رہے گا: پیغام
لاہور: (سٹاف رپورٹر) وزیراعلیٰ پنجاب مریم نواز شریف نے کشمیری یومِ الحاقِ پاکستان تے خاص پیغام وچ آکھیا اے کہ 19 جولائی 1947 نوں غیور کشمیریاں نے ریاست جموں و کشمیر دی پاکستان نال الحاق دی قرارداد منظور کیتی سی۔ الحاقِ پاکستان دی قرارداد ایس گل دی پکی گواہی (ثبوت) اے کہ کشمیریاں دا دل ہمیشہ پاکستان نال دھڑکدا اے۔
وزیراعلیٰ نے آکھیا کہ مسئلہ کشمیر دا اقوامِ متحدہ دی سلامتی کونسل دیاں قرار داداں دے مطابق پرامن حل ای کشمیریاں دے حقاں تے خطے وچ امن دا ضامن اے۔ پاکستانی حکومت تے عوام کشمیریاں دی سفارتی، اخلاقی تے سیاسی حمایت جاری رکھن گے۔ وزیراعلیٰ دا کہنا سی کہ پاکستان بھارتی ظلم (جبر) دا شکار کشمیریاں نوں حق دوان لئی ہر فورم تے اواز چوکدا رہے گا، بھارتی مل مارے (زیرِ تسلط) جموں و کشمیر دے لوک کئی دہاکیاں (دہائیوں) بعد بھی اپنے حقِ خودارادیت دے اکھاں لائی بیٹھے (منتظر) نیں۔
وزیراعلیٰ نے ہور آکھیا کہ مظلوم کشمیری بھین بھراواں دی جدوجہد، قربانیاں تے لازوال حوصلے نوں سلام پیش کردی واں، انشاء اللہ اوہ دن ضرور آئے گا جدوں مقبوضہ جموں و کشمیر دے لوک اپنے مستقبل دا فیصلہ آپے کرن گے۔
