پاکستانی قوم کشمیری عوام دی اصولی حمایت تے پکی اے: حافظ نعیم الرحمن
کشمیر پاکستان دی شہ رگ، مقبوضہ جموں و کشمیر دا ہر نوجوان آزادی لئی قربانیاں دے رہا اے: امیر جماعت اسلامی؛ عظیم کشمیری لیڈر علی گیلانی مرحوم دا نعرہ “اسیں پاکستانی آں، پاکستان ساڈا اے” پوری کشمیری قوم دی اواز اے: پیغام
لاہور: (مانیٹرنگ ڈیسک) امیر جماعت اسلامی پاکستان حافظ نعیم الرحمن نے آکھیا اے کہ پاکستانی قوم کشمیری عوام دی اصولی حمایت تے پکی (ثابت قدم) اے تے ہر اوکھے ویلے وچ اوہناں دے نال کھلوتی رہی اے، کشمیری قوم ماضی وانگوں اج وی اک مٹھ (متحد) اے تے آزادی دی جدوجہد جاری رکھے ہوئے اے۔ 19 جولائی 1947 نوں سرینگر وچ سردار ابراہیم خان دے گھر ہوئے کٹھ (اجلاس) وچ الحاقِ پاکستان دی تریخی قرارداد منظور کیتی گئی سی۔
اوہناں نے ریاست جموں و کشمیر دے یومِ الحاقِ پاکستان دے موقعے تے جاری اپنے پیغام وچ ہور آکھیا کہ پاکستانی قوم کشمیری عوام دی اصولی حمایت تے پکی اے۔ حافظ نعیم الرحمن نے قائدِ اعظم محمد علی جناحؒ دے فرمان دا حوالہ دیندیاں آکھیا کہ کشمیر پاکستان دی شہ رگ اے جدکہ مقبوضہ جموں و کشمیر دا ہر نوجوان آزادی لئی قربانیاں دے رہا اے۔ عظیم کشمیری لیڈر سید علی گیلانی مرحوم دا نعرہ “اسیں پاکستانی آں، پاکستان ساڈا اے” پوری کشمیری قوم دی اواز اے۔
امیر جماعت اسلامی نے مقبوضہ جموں و کشمیر وچ انسانی حقاں دی بھارتی سنگین خلاف ورزیاں دی مذمت کردیاں آکھیا کہ کشمیریاں دی جدوجہد ضرور رنگ لیائے گی تے کشمیر دیاں ساریاں اکائیاں پاکستان دا حصہ بنن گئیاں۔
