پاکستانی قوم کشمیری بھراواں دے موڈھے نال موڈھا جوڑ کے کھلوتی اے محسن نقوی

اسلام آباد وفاقی وزیرِ داخلہ محسن نقوی نے یومِ الحاقِ پاکستان اُتے آزادی دی شمع نوں روشن رکھن والے سارے کشمیری شہداء تے حریت رہنماواں نوں سلام پیش کیتا اے۔

محسن نقوی نے کشمیریوں نوں خراجِ تحسین پیش کردیاں آکھیا کہ 19 جولائی 1947 دی قرارداد کشمیریوں دیاں سانجھیاں (اجتماعی) امنگاں دی سچی عکاس تے آزادی دی جدوجہد دا اک اہم سنگِ میل اے۔ وفاقی وزیرِ داخلہ دا کہنا سی کہ پاکستانی قوم اپنے کشمیری بھراواں نال موڈھے نال موڈھا ملا کے کھلوتی اے، بھارتی ظلم دے خلاف کشمیریوں دے صبر، حوصلے تے بے مثال جرات نوں سلام پیش کردے آں، کشمیری عوام دا اپنے مستقبل دا فیصلہ کرن دا جمنارو (پیدائشی) حق منیا جانا چاہیدا اے۔ محسن نقوی نے آکھیا کہ دکھنی (جنوبی) ایشیا وچ پکے امن لئی مسئلہ کشمیر دا کشمیریوں دیاں امنگاں دے مطابق حل ہونا بہت ضروری اے، پاکستان کشمیری عوام دے حقِ خودارادیت دی بنا کسے شرط دے تے اصولی حمایت جاری رکھے گا۔