اپوزیشن دی ریکوزیشن تے پنجاب اسمبلی دا اجلاس اج ہوئے گا

اپوزیشن دی ریکوزیشن تے پنجاب اسمبلی دا اجلاس اج دوپہر دو بجے شروع ہوئے گا

لاہور

اپوزیشن دی ریکوزیشن تے پنجاب اسمبلی دا اجلاس اج دوپہر دو بجے شروع ہوئے گا۔ اجلاس وچ محکمہ سکولز ایجوکیشن توں متعلق سوالاں دے جواب دتے جان گے۔ پنج تحاریکِ التوائے کار تے امن و امان تے عام بحث وی ایجنڈے دا حصہ نیں۔

مختلف محکمیاں دے آڈٹ سمیت خصوصی آڈٹ نال متعلق رپورٹس پیش کیتیاں جان گئیاں۔ الیکشن کمیشن دی سال 2019، 2021 تے 2024 دی رپورٹ، قومی مالیاتی کمیشن (NFC) ایوارڈ تے عملدرآمد دی نگرانی دیاں رپورٹس (جنوری توں جون 2011، جولائی توں دسمبر 2011، جنوری توں جون 2012، جنوری توں جون 2023، مالی سال 23-2022 جولائی توں دسمبر، تے مالی سال 24-2023 جنوری توں جون) وی پیش کیتیاں جان گئیاں۔

ایہدے توں علاوہ پنجاب انفارمیشن کمیشن دی 25-2024، پنجاب پنشن فنڈ دی مالی سال 22-2021 تے 23-2022، تے پنجاب جنرل پروویڈنٹ انویسٹمنٹ فنڈ دی مالی سال 22-2021 تے 23-2022 دی دیاں رپورٹس وی اجلاس وچ پیش کیتیاں جان گئیاں۔