کرپشن دے الزامات، چیف ڈرگ انسپکٹر سندھ خلاف انکوائری کمیٹی قائم

کرپشن دے الزامات، چیف ڈرگ انسپکٹر سندھ خلاف انکوائری کمیٹی قائم

اسلام آباد (نیوز رپورٹر) محکمہ صحت سندھ نے چیف ڈرگ انسپکٹر سندھ دے خلاف وکھو وکھ شقایتاں دی پچھ گچھ لئی سپیشل سیکرٹری صحت دی اگوائی وچ کمیٹی بنا دتی اے، جیہڑی چیف ڈرگ انسپکٹر دے خلاف اختیارات دے ناجائز ورتوں، بدانتظامی تے مبینہ کرپشن سمیت وکھ وکھ الزامات دا جائزہ لے کے سدھاراں پیش کرے گی۔

سپیشل سیکرٹری (ایڈمن) محکمہ صحت ایس کمیٹی دے چیئرمین ہون گے، جدوں کہ ڈائریکٹر ہیلتھ سروسز کراچی تے سیکشن آفیسر (ہیلتھ) کمیٹی دے ممبر تے سیکرٹری ہون گے۔ کمیٹی نوں ہدایت کیتی گئی اے کہ شکایت کرن والیاں ولوں جمع کروائیاں گئیاں لکھت شکایتاں، متعلقہ کاغذات تے ثبوتاں دا جائزہ لیا جائے۔

کمیٹی شکایت کرن والیاں، گواہواں تے چیف ڈرگ انسپکٹر دے بیان ریکارڈ کر کے 15 دناں وچ رپورٹ پیش کرے گی۔ کمیٹی نوں متعلقہ ڈرگ کنٹرول قانوناں، قاعدے قانوناں تے محکمہ صحت دیاں پالیسیاں اُتے عملدرآمد دا جائزہ لین دی وی ذمہ داری دتی گئی اے۔