لاپتہ شہریاں توں رُپئے وصول کرن والے سمیت 2 انسانی سمگلر گرفتار
احسن علی نوں گجرات تے عاطف محمود بٹ نوں سیالکوٹ توں پھڑیا: ترجمان ایف آئی اے
لاہور (اپنے کامرس رپورٹر سے) ایف آئی اے نے ایران وچ لاپتہ پاکستانی شہریاں توں رُپئے وصول کرن والے نیٹ ورک دے اہم ممبر سمیت 2 انسانی سمگلر گرفتار کر لئے نیں، گرفتار ملزماں وچ احسن علی خان تے عاطف محمود بٹ شامل نیں۔
وفاقی تحقیقاتی ایجنسی (ایف آئی اے) دے ترجمان نے اکھیا اے کہ انسداد انسانی سمگلنگ سرکل لاہور نے گجرات وچ کارروائی کردیاں ہوئیاں انسانی سمگلنگ وچ ملوث ملزم احسن علی خان نوں گرفتار کیتا، ملزم ایران وچ لاپتہ پاکستانی شہریاں توں رُپئے وصول کرن والے نیٹ ورک وچ ملوث نکلیا اے۔
جدوں کہ دوجی کارروائی وچ سیالکوٹ توں ملزم عاطف محمود نوں حراست وچ لیا گیا، اوہنے اک شہری نوں فرانس دے ورک ویزے دا جھانسا دے کے 21 لکھ 45 ہزار رُپئے ہڑپ کیتے سن۔ ملزماں نوں گرفتار کر کے پچھ گچھ دا مڈھ رکھ دتا گیا اے۔
