خیبر پختونخوا وچ افسراں لئی خصوصی رسک الاؤنس منظور

اسلام آباد (نیوز رپورٹر) وفاقی کابینہ نے خیبر پختونخوا وچ تعینات پاکستان ایڈمنسٹریٹو سروس تے پولیس سروس آف پاکستان دے افسراں لئی خصوصی “لا اینڈ آرڈر ایکسٹرا آرڈنری رسک الاؤنس” دی منظوری دے دتی اے۔

کابینہ نے اسٹیبلشمنٹ ڈویژن دی سمری منظور کردیاں ہوئیاں خیبر پختونخوا حکومت وچ خِدمتاں دین والے گریڈ 17 توں 22 دے پاکستان ایڈمنسٹریٹو سروس تے پولیس سروس آف پاکستان دے افسراں نوں بنیادی تنخواہ دے برابر “لا اینڈ آرڈر ایکسٹرا آرڈنری رسک الاؤنس” دین دی منظوری دتی۔

اسٹیبلشمنٹ ڈویژن نے خیبر پختونخوا وچ امن و امان دی حالت پاروں غیر معمولی سکیورٹی خَطریاں دا ساہمنا کرن والے افسراں لئی خصوصی رسک الاؤنس دی سفارش کیتی سی۔ وفاقی کابینہ نے سفارشاں دی منظوری دیندیاں ہوئیاں اسٹیبلشمنٹ ڈویژن تے وزارتِ خزانہ نوں فیصلے اُتے عمل درآمد کرن تے متعلقہ افسراں نوں خصوصی الاؤنس دی ادائیگی لئی ضروری قدم چکن دی ہدایت کر دتی اے۔