پٹرولیم قیمتاں دا روزانہ تعین، عوام دشمنی

کراچی (مانیٹرنگ ڈیسک) پاکستان تحریک انصاف سندھ دے صدر حلیم عادل شیخ نے وفاقی حکومت ولوں پٹرولیم مصنوعات دیاں قیمتاں دے تعین لئی روزانہ دی بنیاد اُتے نواں فارمولا متعارف کراؤن نوں عوام دشمن فیصلہ قرار دیندیاں ہویاں ایس نوں رد کر دتا اے۔

حلیم عادل شیخ نے میڈیا نال گل بات کردیاں آکھیا کہ روزانہ دی بنیاد اُتے پٹرولیم مصنوعات دیاں قیمتاں وچ پھیر بدل (ردوبدل) نال عوام، ٹرانسپورٹراں، صنعتکاراں تے تاجراں لئی غیر یقینی صورتحال پیدا ہوئے گی، جد کہ ہر دیہاڑے لوڑی دیاں چیزاں (اشیائے ضروریہ) دیاں قیمتاں وچ وادھے دا اک نواں بہانہ وی لبھ جائے گا۔