پاکستان مسئلہ کشمیر دے پائیدار حل دا حامی
اسلام آباد وفاقی وزیر پارلیمانی امور ڈاکٹر طارق فضل چودھری نے آکھیا اے کہ پاکستان اقوامِ متحدہ دیاں قرارداداں مطابق مسئلہ کشمیر دے منصفانہ تے پائیدار حل دا حامی اے۔
یومِ الحاقِ پاکستان اُتے کشمیری بھراواں تے بھیناں دیاں لازوال قربانیاں نوں سلام پیش کردیاں ہویاں وفاقی وزیر نے اپنے پیغام وچ آکھیا کہ 19 جولائی 1947 کشمیری عوام دی تاریخ دا سنہری ورق (باب) اے۔ کشمیریوں نے اپنیاں سانجھیاں امنگاں دا اظہار کردیاں ہویاں پاکستان نال الحاق دی تاریخی قرارداد منظور کیتی سی۔ کشمیر تے پاکستان دا رشتہ نرا (محض) جغرافیے دا نہیں سگوں سانجھی تاریخ، ثقافت تے مذہب اُتے کھلوتا اے۔
