غیر ملکی سپیشلسٹ ڈاکٹر سرکاری ہسپتالاں چ مفت علاج کرن گے : مریم نواز

ہیلتھ کنیکٹ پروگرام شروع، بہترین پاکستانی نژاد تے غیر ملکی ڈاکٹرز سروسز تے عملے نوں تربیت دین گے؛ سرکاری ہسپتالاں ‘چ بین الاقوامی معیار دیاں سہولتاں فراہم کرنے دا عزم کیتا ہویا اے: وزیر اعلیٰ

لاہور (سٹاف رپورٹر): وزیراعلیٰ پنجاب مریم نواز شریف نے منفرد ویژنری اقدام تحت “پنجاب ہیلتھ کنیکٹ پروگرام” شروع کر دتا اے، بہترین غیر ملکی سپیشلسٹ ڈاکٹر پنجاب دے سرکاری ہسپتالاں ‘چ مفت علاج کرن گے۔ وزیراعلیٰ دی ہدایت تے شروع کیتے گئے پنجاب ہیلتھ کنیکٹ پروگرام تحت پاکستانی نژاد تے غیر ملکی ڈاکٹرز تے سرجنز سرکاری ہسپتالاں ‘چ سروسز دین گے، پروگرام تحت غیر ملکی ڈاکٹرز تے سرجنز مقامی طبی عملے نوں جدید طبی مہارتاں دی تربیت وی دین گے۔

وزیراعلیٰ مریم نواز نے کہیا اے کہ صوبے دے سرکاری ہسپتالاں ‘چ بین الاقوامی معیار دیاں طبی سہولتاں فراہم کرنے دا عزم کیتا ہویا اے، پنجاب ‘چ ہیلتھ دا نظام عالمی معیار موجب کیتا جا رہا اے، پنجاب دے سرکاری ہسپتالاں ‘چ سپیشلسٹ ڈاکٹروں دی کمی نوں ہیلتھ کنیکٹ پروگرام تحت پورا کیتا جا رہا اے۔