زنانیاں نوں بااختیار بناؤن لئی اقوامِ متحدہ نال سانجھ وادھے تے اتفاق
وزیرِ قانون نال محمد نصیری دی ملاقات، زنانیاں تے بچیاں تے تشدد دے خاتمے دی پالیسی دا جائزہ
اسلام آباد (اے پی پی): وفاقی وزیرِ قانون و انصاف سینیٹر اعظم نذیر تارڑ نال اقوامِ متحدہ دی زنانیاں دی تنظیم دی ایگزیکٹو ڈائریکٹر دے چیف آف سٹاف محمد نصیری نے ملاقات کیتی، جس وچ زنانیاں دے حقوق، صنفی برابری تے اوہناں نوں بااختیار بناؤن لئی تعاون نوں ہور وادھا دین تے اتفاق کیتا گیا۔ وفاقی وزیر نے پاکستان نال اقوامِ متحدہ دی زنانیاں دی تنظیم دے لگاتار تعاون نوں سراہیا۔ ملاقات دے دوران زنانیاں تے بچیاں خلاف تشدد دے خاتمے بابت قومی پالیسی تے ہون والی پیش رفت دا جائزہ لیا گیا۔ وفاقی وزیر نے ایس سانجھی قومی پالیسی نوں چھتی حتمی روپ دین تے ایس تے اثر دار عمل درآمد لئی حکومت دے پکے ارادے دا دہرائاو کیتا۔
