انصاف تیکر پہنچ صرف قانونی کارروائیاں تیکر محدود نہیں: چیف جسٹس

زنانیاں لئی پروقار عدالتی سہولتاں نال نظامِ انصاف تے بھروسہ تکڑا ہووے گا: یحییٰ آفریدی

اسلام آباد (اے پی پی): چیف جسٹس پاکستان یحییٰ آفریدی نے آکھیا اے کہ انصاف تیکر پہنچ صرف قانونی کارروائیاں تیکر محدود نہیں بلکہ اوہناں تھاواں نال وی جڑی اے جِتھے شہری انصاف لین لئی آؤندے نیں، زنانیاں لئی پروقار، محفوظ تے بھروسے جوگ ماحول تے مبنی عدالتی سہولتاں انصاف دے نظام تے لوکاں دے بھروسے نوں ہور تکڑا بناؤن گیاں۔ سپریم کورٹ دے اعلامیے مطابق چیف جسٹس نے “جسٹس سپیس” زنانیاں سہولت مراکز لئی آئیڈیاز ڈیزائن مقابلے دی اختتامی تقریب نال خطاب کردیاں آکھیا کہ ایس مقابلے دا مقصد ایہوجہے زنانیاں سہولت مراکز دے ڈیزائن تیار کرنا سی جو انصاف دے اداریاں نوں زنانیاں لئی زیادہ سوکھا، سانجھا تے اوہناں دی لوڑاں مطابق بنا سکن۔ کامیاب ڈیزائنز تے نمایاں کارکردگی دکھاون والے ساتھیاں وچ انعام وی ونڈے گئے