مون سون توں پہلے ای حکومت ضروری اقدامات کر چکی: عظمیٰ بخاری

سارے ضلعیاں وچ واسا قائم ، 105 انڈر گراؤنڈ سٹوریج ٹینکاں تے کام تیزی نال جاری ، مریم نواز سٹوریج سسٹم وچ اگلے 50 سالاں دے انتظامات کر رہیاں نیں: وزیر اطلاعات پنجاب

لاہور (این این آئی) وزیر اطلاعات و ثقافت پنجاب عظمیٰ بخاری نے کہیا ہے کہ حکومت نے مون سون سیزن توں پہلے ای سارے ضروری انتظامات مکمل کر لائے نیں تاکہ شہریاں نوں بارِشاں دے دوران کسے قسم دی دشواری دا سامنا نہ کرنا پوے۔ نکاسیِ آب دے نظام نوں جدید خطوط تے استوار کرن لئی پنجاب بھر وچ تاریخی اقدامات کیتے جا رہے نیں ، سارے ضلعیاں وچ واسا دا نظام قائم کر دتا گیا ہے جدکہ پہلے مرحلے وچ 15 ضلعیاں دی واسا نوں 272 نویاں تے جدید 12 قسماں دی مشینری فراہم کیتی جا چکی ہے۔ اوہناں نے جاری اک بیان وچ کہیا کہ اگلے مرحلے وچ پنجاب دے سارے ضلعیاں نوں مزید 694 جدید مشیناں فراہم کیتیاں جان گیئاں۔

جس نال نکاسیِ آب دے نظام دی استعداد وچ نمایاں اضافہ ہووے گا ، پنجاب بھر وچ 105 انڈر گراؤنڈ سٹوریج ٹینکاں دی تعمیر تے تیزی نال کام جاری ہے ، 82 ٹینک مکمل کیتے جا چکے نیں ، باقی 23 تے تعمیراتی کام آخری مراحل وچ ہے ، آئندہ 11 دناں دے اندر باقی سٹوریج ٹینک بھی مکمل کر لائے جان گے۔ عظمیٰ بخاری نے کہیا کہ انڈر گراؤنڈ سٹوریج ٹینکاں دا منصوبہ نہ صرف بارشی پانی دے موثر انتظام وچ معاون ثابت ہووے گا بلکہ زیرِ زمین پانی دی سطح نوں بہتر بنان وچ بھی اہم کردار ادا کرے گا ، وزیراعلیٰ مریم نواز صرف اج دے مسائل حل نہیں کر رہیاں بلکہ پنجاب دے واٹر سٹوریج سسٹم نوں آئندہ 50 سالاں دی لوڑاں دے مطابق مضبوط بنیاداں تے استوار کر رہیاں نیں۔