عمران دی قید نوں ۳ ورھے، ۵ اگست نوں یومِ سیاہ مناواں گے: سلمان اکرم راجہ
عوام بانی دی رہائی، آئین، جمہوریت، عوامی مینڈیٹ دی بحالی تے مہنگائی خلاف واز چُکن: سلمان اکرم راجہ
سلمان اکرم راجہ دی کراچی آمد، حلیم عادل نال تعزیت، تنظیمی عہدیداراں نال ملاقاتاں
کراچی (سٹاف رپورٹر): پاکستان تحریک انصاف دے مرکزی سیکرٹری جنرل بیرسٹر سلمان اکرم راجہ نے کراچی آمد دے موقعے تے پی ٹی آئی سندھ دے صدر حلیم عادل شیخ نال اوہناں دے بھرا دے انتقال تے تعزیت کیتی تے اعلان کیتا کہ ۵ اگست نوں عمران خان دی قید دے تن سال پورے ہون تے ملک بھر وچ یومِ سیاہ منایا جاوے گا۔
بعد وچ سلمان اکرم راجہ نے پی ٹی آئی سندھ دی قیادت تے تنظیمی عہدیداراں نال ملاقاتاں کیتیاں، جنہاں وچ سندھ دی سیاسی صورتحال، تنظیمی امور تے اگلی حکمتِ عملی تے وچار وٹاندرا کیتا گیا۔ سلمان اکرم نے عوام توں اپیل کیتی کہ وہ عمران خان دی رہائی، آئین، جمہوریت، عوامی مینڈیٹ دی بحالی تے مہنگائی دے خلاف واز بلند کرن۔
اوہناں کہیا کہ تحریک انصاف عمران خان دی رہائی تیکر اپنی پرامن تے آئینی جدوجہد جاری رکھے گی تے آئین و قانون دی بالادستی تے حقیقی جمہوریت دے قیام لئی پچھے نہیں ہٹے گی۔ اوہناں مزید کہیا کہ پچھلے ۱۸ ورھیاں دے دوران سندھ دے وسائل نوں نقصان پہنچایا گیا، کاشتکار تے ہاری شدید اوکڑاں (مشکلات) دا شکار نیں تے آبپاشی لئی پانی وی لبھ نہیں رہا۔
