آزاد کشمیر دا الیکشن اسیں جتاں گے: سیاسی قیادت دا وڈا دعویٰ
شازیہ مری دا الیکشن شیڈول دی تبدیلی تے ردِعمل: شیڈول جو وی ہووے، آزاد کشمیر الیکشن اسیں ای جتاں گے
پی پی پی ترجمان آکھیا: بلاول بھٹو دی زبردست مہم پاروں مخالفین بوکھلاہٹ دا شکار نیں، عوامی حمایت نوں روکیا نہیں جا سکدا
اسلام آباد (سٹاف رپورٹر): پاکستان پیپلز پارٹی پارلیمنٹرینز دی مرکزی ترجمان شازیہ مری نے آزاد جموں و کشمیر دے انتخابات دا شیڈول بدلن تے اپنے ردِعمل وچ آکھیا ہے کہ سانوں پورا یقین ہے کہ شیڈول چاہے جہڑا وی ہووے، الیکشن اسیں ای جتاں گے۔
اوہناں آکھیا کہ بلاول بھٹو زرداری دی بھرپور انتخابی مہم پاروں مخالفین بوکھلاہٹ دا شکار نیں۔ انتخابی شیڈول وچ تبدیلی ورگے قدم عوامی حمایت دا راہ نہیں ڈک سکدے۔ پیپلز پارٹی عوام دی طاقت تے یقین رکھدی ہے تے ہر میدان وچ کامیابی ساڈی ای ہووے گی۔
