بلوچستان وِچ آپریشن: 10 دہشت گرد ہلاک، 2 زنانیاں خودکش بمبار تے اک سہولت کار گرفتار

سوراب تے مستونگ وِچ کارروائیاں: 10 دہشت گرد ہلاک، 2 زنانیاں خودکش بمبار گرفتار

راولپنڈی / کوئٹہ:

پاک فوج دے شعبہ تعلقاتِ عامہ (ISPR) مطابق بلوچستان وِچ گزشتہ 48 گھنٹیاں دوران سیکیورٹی فورسز نے انٹیلی جنس اطلاعات تے ضلع سوراب تے مستونگ وِچ کارروائیاں کیتیاں نیں۔ ایہناں آپریشنز وِچ 10 دہشت گرد ہلاک ہو گئے نیں، جبکہ 2 زنانیاں خودکش بمباراں تے اوہناں دے اک سہولت کار نوں گرفتار کیتا گیا اے۔

کارروائیاں دوران بھاری مقدار وِچ اسلحہ، گولہ بارود تے دھماکہ خیز مواد برآمد کیتا گیا اے۔ صدر مملکت آصف علی زرداری تے وزیراعظم شہباز شریف نے سیکیورٹی فورسز نوں خراجِ تحسین پیش کردیاں آکھیا کہ بلوچستان دا امن تباہ کرن دی اجازت کسی نوں نہیں دتی جائے گی۔

کھڈ کوچہ تے قلات وِچ مسافر کوچاں تے فائرنگ، پل دھماکے نال تباہ، کرفیو نافذ

مستونگ / قلات / وڈھ:

مستونگ دے علاقے کھڈ کوچہ وِچ مسافر کوچ تے فائرنگ نال 3 افراد جاں بحق تے 3 زخمی ہو گئے۔ کھڈ کوچہ وِچ ہی دہشت گردان نے اک پل نوں دھماکے نال اڑا دتا، جس نال کوئٹہ کراچی قومی شاہراہ تے وڈیاں گاڑیاں دی آوا جاوی بند ہو گئی۔

قلات وِچ وی مسافر کوچ تے فائرنگ نال اک بندہ زخمی ہویا، جبکہ تحصیل وڈھ وِچ بیکری تے دستی بم نال حملہ کیتا گیا۔ ایہناں واقعات توں بعد بلوچستان حکومت نے مستونگ دی سب تحصیل کھڈ کوچہ وِچ رات 9 بجے توں تاحکمِ ثانی کرفیو نافذ کر دتا اے۔