چیئرمین نیب دی وفاقی محتسب نال ملاقات، آپسی تعاون تے زور
2025 دے دوران 2 لاکھ 61 ہزار توں ودھ شکایتاں دے فیصلے کیتے، نوید کامران دوہاں اداریاں وچالے تعاون دے وڈے موقعے موجود نیں، فائدہ چکنا چاہیدا اے، نذیر احمد بٹ
اسلام آباد (نامہ نگار) چیئرمین قومی احتساب بیورو (نیب) لیفٹیننٹ جنرل (ر) نذیر احمد بٹ نے لنگھے دن وفاقی محتسب نوید کامران بلوچ نال اوہناں دے دفتر وچ ملاقات کیتی۔ ملاقات وچ دوہاں اداریاں دے سربراہاں نے ملک وچ شفافیت، احتساب تے چنگے نظامِ حکومت (گڈ گورننس) دے قیام لئی آپسی تعاون دی لوڑ تے زور دتا۔ وفاقی محتسب نے سرکاری اداریاں دی بدانتظامی دے خلاف شکایتاں دے حل وچ وفاقی محتسب دے کردار دا ذکر کردے ہوئے چیئرمین نیب نوں دَسیا کہ اوہناں دے ادارے نے ورھے 2025 دے دوران 2 لاکھ 61 ہزار توں ودھ شکایتاں دے فیصلے کیتے، امید اے کہ ایس ورھے ایہ تعداد 2 لاکھ 70 ہزار توں بھی ودھ جاوے گی۔ اوہناں نے آکھیا کہ ملک دے دور دراز علاقیاں دے لوکاں نوں مفت تے ترت انصاف دی فراہمی لئی وفاقی محتسب دے علاقائی دفتر ملک دے 28 شہراں وچ کام کر رہے نیں۔ ملاقات دے دوران چیئرمین نیب نے وفاقی محتسب دی کارکردگی نوں سراہندے ہوئے آکھیا کہ دوہاں اداریاں وچالے آپسی تعاون دے وڈے موقعے موجود نیں جنہاں توں فائدہ چکنا چاہیدا اے۔
