مسترد کیتا ہویا دعویٰ بار بار دائر کیتیاں درخواسلاں نال زندہ نہیں ہوندا: آئینی عدالت
اسلام آباد (اے پی پی) وفاقی آئینی عدالت نے قرار دتا اے کہ ایک وار مسترد ہو جان والے دعوے نوں بار بار درخواستاں دے کے دوبارہ زندہ نہیں کیتا جا سکدا، غیر معمولی تاخیر نال دائر کیتیاں گئیاں آئینی درخواستاں بھی سنن جوگ نہیں ہوندیاں۔
جسٹس سید حسن اظہر رضوی دی سربراہی وچ وفاقی آئینی عدالت دے تن رکنی بینچ نے منیجنگ ڈائریکٹر او جی ڈی سی ایل تے ہورناں دی اپیل منظور کردے ہوئے سندھ ہائیکورٹ دا 26 اکتوبر 2022 دا فیصلہ اکثریتی بنیاد تے (1-2) کالعدم قرار دتا، جد کہ جسٹس سید ارشد حسین شاہ نے اختلافی نوٹ لکھیا۔ عدالت نے قرار دتا کہ قانون مسترد شدہ دعویاں نوں دوبارہ زندہ کرن دی اجازت نہیں دیندا۔ عدالت نے ایہ بھی قرار دتا کہ آئینی دائرہ اختیار صوابدیدی تے برابر دی انصافی تے مبنی اختیار اے، ایس لئی جو بندہ ورھیاں تک اپنے حق لئی قانونی چارہ جوئی نہ کرے، اوہ غیر معمولی تاخیر توں بعد عدالت توں ریلیف دا حقدار نہیں ہوندا۔
