حکومت بھتہ ٹیکس لیوی ختم کرے تے پٹرول دی قیمت گھٹ کرے: حافظ نعیم
آئی پی پی مافیا نوں سالانہ 2 ہزار ارب روپے نہ بنن والی بجلی دے دتے جا رہے نیں، عوام اپنے حق لئی نکلن تے 7 اگست نوں پورے پاکستان دیاں شاہراہاں بند کر دین
لاہور (سیاسی نمائندہ) امیر جماعت اسلامی حافظ نعیم الرحمن دا کہنا اے کہ پٹرولیم مصنوعات تے لیوی بھتہ ٹیکس اے۔ حکومت ایہ جبری ٹیکس ختم کرے تے پٹرول دی قیمت گھٹ کرے۔ ایکس تے جاری بیان وچ اوہناں نے آکھیا کہ پاکستان دے عوام نے 1900 ارب روپے پٹرولیم لیوی دی مد وچ جگا ٹیکس ادا کیتا۔ ایس لیوی دا پٹرول دی قیمت نال کوئی تعلق ہی نہیں۔ اک پاسے ہر لیٹر پٹرول تے 125 روپے لیوی تے ٹیکس وصول کیتے جا رہے نیں، دوجے پاسے آئی پی پی مافیا نوں سالانہ 2 ہزار ارب روپے نہ بنن والی بجلی دے دتے جا رہے نیں۔ پاکستان دے عوام اپنے حق لئی نکلن تے 7 اگست نوں پورے پاکستان دیاں شاہراہاں بند کر دین۔
