انٹرنیٹ سروس ترت بحال کیتی جاوے، صدر پی پی آزاد کشمیر دا چیف الیکشن کمشنر نوں خط

مظفرآباد (محمد اسلم میر) پاکستان پیپلز پارٹی آزاد کشمیر دے صدر چودھری یاسین نے چیف الیکشن کمشنر آزاد جموں و کشمیر نوں خط لکھ کے ترت انٹرنیٹ سروس بحال کرن دا مطالبہ کر دتا۔

خط وچ مؤقف اختیار کیتا گیا کہ انٹرنیٹ دی مسلسل بندش نال انتخابی مہم بری طرح متاثر ہو رہی اے جد کہ ووٹراں تک ویلے سر تے ٹھیک معلومات دی فراہمی متاثر اے۔ اوہناں نے خبردار کیتا کہ انٹرنیٹ دی عدم دستیابی شفاف انتخابی عمل وچ رکاوٹ بنن دے نال نال جھوٹیاں خبراں تے افواہاں دا سبب بھی بن سکدی اے۔ اوہناں نے آکھیا کہ ووٹراں دے حقِ معلومات دا تحفظ الیکشن کمیشن دی آئینی ذمہ داری اے، ایس لئی انتخابی مہم دے بناں کسے رکاوٹ دے تسلسل، آزادانہ، منصفانہ تے شفاف انتخابی عمل لئی انٹرنیٹ سروس دی ترت بحالی ناگزیر اے۔