پنجاب کالجاں وِچ اے ای پی ٹیچر ٹریننگ پروگرام دا تربیتی سیشن
اساتذہ دی ایکٹو لرننگ، STEM تے سماجی علوم تے عملی تربیت، شرکاء وِچ سنداں تقسیم
پروگرام دا مقصد اساتذہ دی پیشہ ورانہ صلاحیتوں نوں مضبوط بنانا اے: اعظم نون
لاہور (سٹاف رپورٹر) آروو ایجوکیشن پریس (اے ای پی) جو پنجاب کالجاں دا اک تعلیمی منصوبہ اے، دے زیرِ اہتمام اے ای پی ٹیچر ٹریننگ پروگرام 2026 دا تربیتی سیشن پنجاب کالجز لاہور وِچ ہویا۔ پرائمری سکول اساتذہ نے ایکٹو لرننگ، STEM تے سوشل سائنسز نال تعلق رکھن والیاں عملی نشستاں وِچ شرکت کیتی۔ تربیتی سیشنز دی قیادت اعظم نون (ایکٹو لرننگ)، فرح سونم (STEM) تے سعدیہ مغل (سوشل سائنسز) نے کیتی۔ تربیتی نشست وِچ سرکاری تے پرائیویٹ کالجاں دے تقریباً 80 اساتذہ کرام نے شرکت کیتی، پروگرام وِچ عملی سرگرمیاں، گروپ ورک تے کلاس روم وِچ فوراً استعمال ہون والیاں تدریسی حکمتِ عملیاں تے توجہ دتی گئی۔
ایس موقعے تے اعظم نون نے آکھیا کہ اے ای پی ٹیچر ٹریننگ پروگرام اساتذہ نوں ایہوجہیاں عملی حکمتِ عملیاں فراہم کردا اے جیہناں نوں وہ اپنی کلاس وِچ فوراً استعمال کر کے پڑھاؤن دے عمل نوں زیادہ دلچسپ تے موثر بنا سکدے نیں۔ ایس پروگرام دا مقصد اساتذہ دی پیشہ ورانہ صلاحیتوں نوں مضبوط بنانا تے بہتر کلاس روم پریکٹسز نوں فروغ دینا اے۔ نصاب تے پڑھاؤن دے طریقے نوں اج دے دور دے تقاضیاں مطابق ڈھالن دی ایس کوشش نوں اساتذہ نے بے حد سراہیا۔ آروو ایجوکیشن پریس دے ماہرین دی ٹیم نے عمومی تربیت دے حوالے نال اساتذہ دے سوالاں دے جواب دتے، پروگرام دے آخر وِچ تر بیتی سنداں (سرٹیفکیٹ) بھی ونڈیاں گئیاں۔
